All courses | KAGEU ONLINE

Kozi hii inalenga kumpa mwanafunzi nafasi ya kuielewa fasihi. Kozi itazingatia kwa jumla mambo ya kimsingi yanayohusiana na taaluma ya fasihi. Lengo maalum ni kuhakiki na kuchanganua mbinu mbalimbali za fasihi kwa kuzingatia tanzu mbalimbali za fasihi.

Kozi hii itachangia katika kutimiza malengo ya CHUO KIKUU CHA KAG MASHARIKI kwa sababu inahusiana na chuo hiki kama taasisi ya elimu. Kila mwanafunzi anatarajiwa kutimiza malengo ya taasisi hii atakapokuwa akifanya kazi katika sehemu mbalimbali za kazi.

CHUO KIKUU CHA KAG MASHARIKI ni taasisi ya Kipentekoste inayodhamiria kuwaandaa viongozi watumishi watakaoleta mabadiliko chanya kote duniani kwa kuishi maisha mema na kufanya huduma inayoongozwa na Roho Mtakatifu.

Malengo ya Kozi

Kufikia mwisho wa kozi hii mwanafunzi aweze:

1. Kupambanua dhana ya fasihi kwa jumla

2. Kutathmini umuhimu wa fasihi katika jamii ya kisasa.

3. Kubainisha tofauti zilizoko za umbo na mtindo katika nyanja / tanzu za fasihi

4. Kuhakiki vipengele muhimu katika tanzu za fasihi kama aina za riwaya, tamthilia, ushairi, ploti, vitushi, arudhi, jukwaa, wahusika, tamathali za usemi na kadhalika.

5. Kujadili mwingiliano uliopo kati ya tanzu na vijitanzu vya fasihi ya Kiswahili.

6. Kuchambua kazi za fasihi ya Kiswahili.

7. Kutafiti aina za fasihi zinazopatikana katika jamii yake.

MAELEZO

Dhana ya fasihi; maana ya fasihi; chanzo cha fasihi; vipengele vya fasihi; fasihi simulizi: maana yake, tanzu na vipera vyake; fasihi andishi: riwaya, maana ya riwaya, historia ya riwaya, aina za riwaya, fani na maudhui katika riwaya/dhamira, uchambuzi wa riwaya; hadithi fupi: maana ya hadithi fupi, fani na maudhui; tamthilia: maana ya tamthilia, historia ya tamthilia, uhakiki wa tamthilia; ushairi: maana ya ushairi, historia ya ushairi, aina za ushairi, uchambuzi wa ushairi.

Kama taasisi ya Kikristo ya elimu ya ngazi za juu CHUO KIKUU CHA KAG MASHARIKI inashughulika mno na kujenga mtazamo wa Kikristo kuhusu elimu. Katika chuo kikuu hiki, Ukristo uliomo katika biblia ndio msingi wa mpango mzima wa elimu au mkondo ambao mto wa kufunza na kusoma unatiririkia. Kwa hivyo, ni jukumu la mhadhiri kuwapa wanafunzi mitazamo ya biblia katika kila somo na zoezi. Kwa maneno mengine, kuambatisha biblia na elimu kunahitajika.

JUMA	MADA	MADA NDOGO	MALENGO	UMILISI	SHUGHULI ZA MHADHIRI	SHUGHULI ZA WANAFUNZI
1	Dhana ya fasihi	Fasili mbalimbali za Fasihi Chanzo cha fasihi	LENGO 1	Uwezo wa mawasiliano na ushirikiano(wanafunzi wanapojadiliana na wenzao na kutoa fasili mbalimbali za fasihi) Ujuzi wa kidijitali(ywanapotafuta fasili mbalimbali za fasihi mtandaoni	Kuuliza maswali kuhusu fasili mbalimbali za fasihi Kuwaeleza wanafunzi kuhusu chanzo cha fasihi	Kuandika Kujadiliana na Kutoa fasili zao kuhusu fasihi
2	Vipengele vya fasihi; Fasihi simulizi: maana yake, tanzu na vipera vyake;	Maana ya fasihi simulizi Tanzu na vipera vya fasihi simulizi	LENGO 4	Mawasiliano na ushirikiano(wanapojadiliana kuhusu tanzu na vipera vya fasihi	Kuwaeleza wanafunzi kuhusu tanzu na vipera vya fasihi simulizi	Wanafunzi kujadilina kufafanua tanzu na vipera vya fasihi simulizi
3	Fasihi andishi:Riwaya	Maana ya riwaya, Historia ya riwaya Aina za riwaya	LENGO 4	Ufanisi wa kibinafsi(wanapoeleza maana ya riwaya na historia yake na aina za riwaya	Kueleza maana ya riwaya na historia yake	Wanafunzi kueleza maana ya riwaya Wanafunzi kutafiti mtandaoni kuhusu historia ya riwaya na aina za riwaya
4	MUJARABU WA KWANZA(KAZI YA KIBINAFSI-10%			Kufikiri kwa makini na kutatua matatizo, mawazo (mwanafunzi anapojibu maswali)
5	Fasihi andishi:Riwaya	Fani na maudhui katika riwaya/dhamira, uchambuzi wa riwaya	LENGO 4,6	Ujuzi wa kidijitali (kutafuta mtandaoni fani na maudhui katika riwaya )	Kueleza fani na maudhui katika riwaya	Wanafunzi kujadili vipengele vya kuzingatiwa katika uchambuzi wa riwaya Kuandika
6	Hadithi fupi	Maana ya hadithi fupi, fani na maudhui	LENGO 4,6	Mawasiliano na ushirikiano(wanapoeleza maana ya hadithi fupi na kuichambua)	Kuuliza maswali	Wanafunzi kusoma na kuchambua hadithi fupi
7	Tamthilia	Maana ya tamthilia, historia ya tamthilia, uhakiki wa tamthilia	LENGO 4,6	Mawasiliano na ushirikiano(wanapoeleza maana na historia ya tamthilia) Ubunifu(wanapochambua tamthilia)	Kuwaelekeza wanafunzi katika kueleza historia ya tamthilia na uhakiki wake)	Wanafunzi kueleza maana ya tamthilia na historia yake Wanafunzi kuhakiki tamthilia
8	MUJARABU WA PILI (MAKUNDI NA UWASILISHAJI)- 10%			Mawasiliano na ushirikiano, ujuzi wa kidijitali,ubunifu, kufikiri na kutatua matatizo
9	Ushairi	Maana ya ushairi, Historia ya ushairi, Aina za ushairi, Uchambuzi wa ushairi.	LENGO 4,6	Mawasiliano na ushirikiano(wanapojadiliana na kuwasilisha kuhusu ushairi)	Kueleza maana ya ushairi, historia na aina za ushairi	Wanafunzi kujadiliana kuhusu historia na aina za ushairi Wanafunzi kuchambua mashairi mbalimbali
10	Ushairi	Uchambuzi wa ushairi.	LENGO 4,6	Mawasiliano na ushirikiano(wanapochambua mashairi mbalimbali)	Kuchambua mashairi mbalimbali	Wanafunzi kusoma na kuchambua mashairi mbalimbali Kuandika
11	MAREJELEO YA KOZI
12	MAREJELEO YA KOZI
13-14	MTIHANI WA MWISHO WA MUHULA- 40%